Фондација Божиновски ја организира битолската премиера на документарниот филм „Патување пеш“, најновото дело на режисерката Тамара Котевска, кое ни отвори прозорец кон длабоките прашања за човековото патување – и буквално, и метафорично. 

Филмот The Walk е длабоко емотивно патување кое нè потсети на храброста и упорноста што се потребни за да се изоди личниот пат, без разлика колку е тежок. Нè потсети на тоа колку често сме на границите помеѓу стравот и надежта, помеѓу беспомошноста и решителноста.

Во срцето на приказната е борбата за достоинство и за местото што го нарекуваме дом – нешто што многумина го земаат здраво за готово, а во душата, поттикнува чувство на благодарност за мирот и стабилноста што можеби ги имаме, но истовремено нè соочува со суровата реалност на оние кои не ги искусуваат овие привилегии.

Поклон до земја за комплетниот тим.

Неда Маретиќ и Илија Тирицовскиво делот „Прашања и одговори“ ни ги разлистаа вистинските слоеви на филмското дело. Публиката имаше можност да „нурне“ зад камерите, откривајќи го креативниот процес: од замислата, преку планирањето, до самото снимање и финализирање на филмот. Секој збор, секое прашање беше доказ дека филмот не само што нè пренесува во друг свет, туку нè поттикнува и да размислуваме на подлабоко ниво. 

Проекцијата беше организиране во рамките на дополнителната програма на Меѓународниот фестивал на филмска камера Браќа Манаки – На кино па Олабај во соработка АРТАКТ Битола и со македонски продуцент на филмот ОХО Продукција.