Доколку времето го броиме само во секунди, тогаш не сме ништо повеќе од негови неми посматрачи. Како компанија која над дваесет и пет години е задолжена на македонскиот пазар да ги носи најсофистицираните швајцарски механизми на часовници ја формиравме „Фондација Божиновски“ со цел на секундите да им дадеме повеќе боја и времето да започнеме да го броиме во креативност и на тој начин да му дадеме бесценета вредност.

Фондацијата иницира, развива, практикува и поддржува програми кои ќе обезбедат можности за раст, развој, усовршување и промоција на културата и социо-културните практики. Идентификуваме млади уметници, креативци кои ги поддржуваме и со кои заеднички креираме можности за развој и подобрување на можностите и условите во заедницата во која живееме.