Фондацијата се создаде природно, во момент на возбуда од успехот на проектот Дениција кој претставува уникатен спој на македонски дизајн аплициран на познатиот швајцарски часовник Своч. Ова е единствен случај во светот на национален проект во соработка со Своч во лимитирано издание од само 30 парчиња (посветен на 30 годишнината од независноста на Македонија и дизајниран од познатиот графичар и дизајнер Зоран Кардула). Со собраните средства од аукциската продажба на овие часовници ја создадовме Фондацијата.
Стимулираме и практикуваме култура и уметност како постојан процес на динамични идеи, уметнички израз, културни практики на локално, национално и регионално ниво.
Преку нашите активности креираме еко систем во кој со креативност се поддржува креативноста и на тој начин создаваме една сосема нова дименизија на времето.